کوہاٹ(این این آئی)جس کا کوئی نہیں اْس کا خدا‘ کے مصداق جنوب مشرقی افغانستان سے فریضہ حج کی ادائیگی کا مصمم ارادہ کرکے سائیکل پر روانہ ہونے والا افغان شہری بالآخرجہاز کے ذریعے سعودی عرب پہنچنے میں کامیاب ہو گیا ۔افغان صوبہ غزنی کے ضلع قرع باغ

کے چھوٹے گاؤں لائق کے رہائشی نور محمد ماہ مئی کے اوائل میں اپنے گھر سے مقدس شہرمکہ مکرمہ پہنچنے اور حج کرنے کے لیے 6,000 کلومیٹر کا طویل فاصلہ طے کرنے کا ارادہ کرتے ہوئے سائیکل پر روانہ ہوا۔جب وہ افغانستان سے سائیکل پر روانہ ہوا تو طالبان کے ایک عالم دین اور رہنما نے انہیں ہوائی جہاز کا ٹکٹ حاصل کرنے میں مدد کی پیشکش کی لیکن 48 سالہ نورمحمد نے اس مقدس فریضے کو پورا کرنے کے لیے انکار کر دیا مگر جب وہ تین ہفتوں کے بعد سرحدی شہر خرم شہر میں عراقی ویزا حاصل کرنے کی کوشش میں ایران میں پھنس گیاتو نورمحمد نے اْس عالم دین شیخ حماسی سے واٹس ایپ کے ذریعے رابطہ کیاجنہوں نے ایک افغان تاجر کی مدد سے ایران میں قیام اور کابل واپس آنے میں بہت مدد کی جس کے بعدکابل میں انہیں فوری طور پر حج کی تیاری کے لیے کہا کیا گیا۔ عرب نیوز کے مطابق مبینہ طور پر ان کی پرواز کا بندوبست قائم مقام وزیر داخلہ سراج الدین حقانی نے کیا، جو انس حقانی کے قریبی ساتھی اور طالبان کے سینئر رہنما ہیں۔اور یوں سائیکل پر حج کا ارادہ کرنے والے افغان شہری نورمحمدنے گزشتہ ہفتہ منگل کے روز کابل سے سعودی عرب کے لئے اڑان بھری جہاں وہ دیگر ھاجہوں کے ساتھ مل کرجدہ سے مکہ مکرمہمیں فریضہ حج کی ادائیگی کرے گا۔وزارت حج اور مذہبی امور کے ایک اہلکار، مولوی اسرارالحق نے عرب نیوز کو بتایا کہ تمام تر ضروری کاروائی کے بعد نورمحمد کا نام پہلی پرواز میں ڈالا گیا۔

موضوعات:افغان شہری