ملتان (این این آئی) آل پاکستان مسلم لیگ کے مرکزی چیئرمین ملک عمر عباس کی ہدایت پر قائد جنرل (ر) پرویز مشرف کی وطن واپسی کے سلسلے میں ملتان و گردونواح میں استقبالیہ بینرز، پوسٹر، پینا فلیکس آویزاں کردیئے گئے ملتان کے مختلف علاقوں کچہری، گھنٹہ گھر،
حسین آگاہی چوک سمیت دیگر علاقوں میں استقبالیہ بینرز، پینا فلیکس، پوسٹرز آویزاں کردیئے گئے ہیں اور قائد پرویز مشرف کی وطن واپسی، صحت یابی، عمر دراز ی کے لئے بھی دعائیہ تقریبات کا سلسلہ جاری ہے اس سلسلے میں آل پاکستان مسلم لیگ کے مرکزی چیئرمین ملک عمر عباس کا کہنا ہے کہ قائد جنرل (ر) پرویز مشرف نے ملک وقوم کی سلامتی، ترقی وخوشحالی، امن و امان کے قیام کے سلسلے میں اہم کردار ادا کیا دہشت گردی کے خاتمے، ترقی و خوشحالی کے لئے دن رات ایک کر دیا اب ان کی وطن واپسی کا فیصلہ ایک خوش آئند اقدام ہے اور ان کی جلد صحت یابی کے لئے پوری قوم دعا گو ہے قائد پرویز مشرف کا پاکستان وطن واپسی پر شاندار استقبال کیا جائے گا اور استقبالی کیمپ بھی لگائے جائیں گے جہاں بھی قائد پرویز مشرف کی فلائٹ اترے گی ملتان سمیت جنو بی پنجاب سے آل پاکستان مسلم لیگ کے کارکنوں کا جم غفیر ان کا شاندار استقبال کرے گا اس سلسلے میں ان کی وطن واپسی کے لئے زور و شور سے استقبال کے لئے تیاریوں کا آغاز کردیا گیا ہے حکومت کو بھی چاہیئے کہ وہ قائد پرویز مشرف کی وطن واپسی کے سلسلے میں ان کی سیکیورٹی اور طبی امداد کی فراہمی کو یقینی بنائے انہوں نے کہا کہ قائد پرویز مشرف کی قیادت میں آنے والے عام انتخابات میں اے پی ایم ایل بھرپور حصہ لے گی۔
