اسلام آباد (این این آئی)الیکشن کمیشن آف پاکستان (ای سی پی) نے خیبرپختونخوا میں دوسرے مرحلے کے بلدیاتی انتخابات میں فوج تعینات کرنے کا فیصلہ کرلیا۔الیکشن کمیشن کے مطابق فوج پولیس کے ساتھ ساتھ پولنگ اسٹیشنوں پر تعینات کی جائے گی جبکہ خیبرپختونخوا میں ری پولنگ

کے دوران بھی فوج تعینات کی جائے گی۔اعلامیے میں کہا گیا کہ صوبائی حکومت کی امن وامان قائم رکھنے میں ناکامی پرفوج تعینات کرنیکافیصلہ کیا۔اعلامیے کے مطابق فوج کی تعیناتی سے متعلق وزارت دفاع کو مراسلہ بھی تحریرکردیا ہے۔الیکشن کمیشن کے مطابق بلدیاتی انتخابات کے پہلے مرحلے میں پرتشدد واقعات میں ملوث اور ذمہ داروں کے خلاف ضروری قانونی کارروائی ہوگی۔اعلامیے میں کہا گیا کہ پشاورمیں پولنگ اسٹیشنز پر بیلٹ پیپرز پھاڑنے کی ویڈیو دکھائی گئی، بیلٹ باکس توڑنے،پولنگ اسٹاف کوزدوکوب کرنے کی بھی ویڈیو دکھائی گئی جبکہ ویڈیو میں دو سے تین پولیس اہلکارتھے جومحض تماشائی بنے ہوئے تھے۔الیکشن کمیشن نے صوبائی حکومت کیامن وامان قائم رکھنے کی ناکامی کا سخت نوٹس لے لیا اور کہا کہ جوپلان الیکشن کمیشن کودیاگیا اس کے مطابق پولیس تعینات نہیں تھی۔خیال رہے کہ خیبرپختونخوا میں پہلے مرحلے میں 17 اضلاع میں 19 دسمبر کو بلدیاتی انتخابات ہوئے تھے۔

موضوعات:بلدیاتی انتخابات