کراچی (مانیٹرنگ ڈیسک)تین ٹی ٹوئنٹی میچز کی سیریز میں پاکستان کو دو صفر سے برتری حاصل ہے، تیسرے ٹی ٹوئنٹی میچ میں ویسٹ انڈیز نے ٹاس جیت کر پہلے بیٹنگ کرنے کا فیصلہ کیا،

ویسٹ انڈیز کی جانب سے اننگز کا آغاز برینڈنگ کنگ اور شمراہ بروکس نے کیا، برینڈنگ کنگ نے 21 گیندوں پر 43 رنز بنائے اور وہ محمد وسیم کی گیند پر بولڈ ہوئے، شمراہ بروکس نے 31 گیندوں پر49 رنز بنائے ان کی اننگز میں چار چھکے اور دو چوکے شامل تھے، وہ شاہ نواز دھانی کا شکار بنے ان کا کیچ افتخار احمد نے تھاما، ویسٹ انڈیز کے نکولس پوران نے دھواں دھار بیٹنگ کی، 37 گیندوں پر چھ چھکوں اوردو چوکوں کی مدد سے 64 رنز بنائے اور محمد وسیم کی گیند پر محمد نواز کے ہاتھوں کیچ آؤٹ ہوئے۔ ڈیرن براوو نے 34 اور رومین پاول نے 6رنز بنائے اور ناٹ آؤٹ رہے، اس طرح ویسٹ انڈیز نے مقررہ بیس اوورز میں تین وکٹوں کے نقصان پر 207 رنز بنائے۔ اس طرح پاکستان کو جیتنے کے لئے 208 رنز کا بڑا ٹارگٹ ملا۔پاکستان کی جانب سے محمد وسیم نے دو کھلاڑیوں اور شاہنواز دھانی نے ایک کھلاڑی کو آؤٹ کیا۔

موضوعات:تیسرا ٹی ٹوئنٹی میچ