لاہور(این این آئی )فیصل آباد ریجن کے نواحی گا وں کے ایک سرکا ری اسکول سے نکال دیے جانے والے ایک 7 سالہ بچے نے لاہور ہائی کورٹ میں درخواست دائر کرتے ہوئے استدعا کی ہے عدالت اس کا داخلہ بحال کروائے۔ فیصل آباد ریجن کے نواحی گاؤں کا رہائشی متاثرہ طالبعلم اظہر اپنے والد جہانگیر کے ہمراہ درخواست لے کر عدالت پہنچا جس میں اسسٹنٹ کمشنر احمد پور سیال سمیت دیگر

کو فریق بنایا گیا تھا۔ اظہر گورنمنٹ گرلز ہائی اسکول ضلع جھنگ میں چوتھی کلاس میں زیر تعلیم تھا جسے اسکول سے فارغ کردیا گیا تھا۔ درخواست میں استدعا کی گئی کہ اسکول کو پابند کیا جائے کہ وہ بچے کو دوبارہ ایڈمیشن دے۔ رجسٹرار آفس درخواست کا قانونی جائزہ لینے کے بعد سماعت کے لیے مقرر کرے گا۔ طالبعلم اظہر نے میڈیا سے گفتگو کرتے ہوئے کہا کہ وہ پڑھنا چاہتا ہے اسے داخلہ دیا جائےـ

موضوعات:مجھے کیوں نکالا