اسلام آباد (این این آئی)سپریم ایپلٹ کورٹ گلگت بلتستان کے سابق چیف جج رانا شمیم کا اصلی بیان حلفی اسلام آباد ہائیکورٹ کو موصول ہوگیا۔نجی ٹی وی نے عدالتی ذرائع کے حوالے سے بتایاکہ لندن سے کورئیر رجسٹرار اسلام آباد ہائی کورٹ کو موصول ہوا جس پر رجسٹرار نے سربمہر لفافے کو ایک اور سیل لگا دی۔عدالتی ذرائع کا کہنا

ہے کہ آئندہ پیر کو دوران سماعت رانا شمیم کے بیان حلفی کے لفافے کو کھولا جائے گا۔عدالتی ذرائع نے بتایا کہ لفافے پر کانفیڈینشل لکھا ہے، جسے صرف چیف جسٹس کھول سکتے ہیں۔خیال رہے کہ اسلام آباد ہائیکورٹ میں گلگت بلتستان کے سابق چیف جج رانا شمیم کے بیان حلفی سے متعلق کیس کی زیر سماعت ہے۔

موضوعات:بیان حلفی