اسلام آباد (مانیٹرنگ ڈیسک)صدر ڈاکٹر عارف علوی کو سوشل میڈیا پر اپنے خاندانی کاروبار کو فروغ دینے کے لیے سرکاری عہدہ استعمال کرنے پر تنقید کا نشانہ بنایا جا رہا ہے۔تفصیلات کے مطابق صدر علوی کے صاحبزادے ڈاکٹر عواب علوی نے گورنر ہاؤس سندھ میں علوی ڈینٹل ہسپتال اور USA کے Bringing Smiles Inc کے درمیان مفاہمت کی یادداشت (MoU) پر دستخط

کی خبر شیئر کی۔اب حذف شدہ ٹویٹ میں، ڈاکٹر عواب نے یہ بھی انکشاف کیا کہ سرمایہ کاروں نے ابتدائی طور پر 25 ملین ڈالر کا وعدہ کیا ہے۔صدر علوی نے تقریب میں بطور مہمان خصوصی شرکت کی۔ صدر مملکت نے اپنے بیٹے کو بھی مبارکباد دی اور ان کی کامیابی کی خواہش کی۔اس خبر پر ردعمل ظاہر کرتے ہوئے، سوشل میڈیا صارفین نے سوال اٹھایا کہ کیا صدر اپنے خاندان کے کاروبار کو فروغ دینے کے لیے اپنا دفتر استعمال کر رہے ہیں۔ نیٹیزنز کا موقف ہے کہ صدر علوی کا یہ عمل ان کے حلف کی خلاف ورزی ہے۔اینکر پرسن عادل شاہ زیب نے صدر پاکستان کے حلف کی سطروں کا حوالہ دیا۔ “پاکستان کے صدر کے طور پر، میں اپنے ذاتی مفاد کو اپنے سرکاری طرز عمل پر اثر انداز ہونے کی اجازت نہیں دوں گا۔”ایک ٹوئٹر صارف نے وزیراعظم عمران خان کا حضرت ابوبکرؓ کے خلیفہ بننے پر کپڑے کی دکان بند کرنے کے بارے میں پرانا ٹوئٹ بھی شیئر کیا۔اپنے خاندان سے چلنے والے کاروبار میں صدر علوی کے کردار کے بارے میں وضاحت کرتے ہوئے، ڈاکٹر عواب نے کہا کہ ڈاکٹر عارف علوی نے صدر بننے پر علوی ڈینٹل سے استعفیٰ دے دیا تھا۔

انہوں نے کہا، “یہ منصوبہ میرے اور میرے پاکستانی یو ایس ڈاسپورا ڈینٹسٹ-سابق طالب علم دوست کے درمیان ہے۔”انہوں نے مزید کہا کہ صدر تمام اسٹارٹ اپس کی حوصلہ افزائی کرتے ہیں یہاں تک کہ جو ان سے بہت چھوٹے ہوں۔اس تقریب کے لیے گورنر ہاؤس کے مقام کے بارے میں، انہوں نے کہا کہ اصل مقام علوی ڈینٹل تھا لیکن اسے “ہمارے ساتھ ہی اے پی ایس اسکول کی سیکیورٹی کی وجہ سے تکلیف سے بچنے کے لیے” تبدیل کیا گیا۔

موضوعات:ڈاکٹر عارف علوی