میرے پاس تم ہو کیخلاف درخواست کی سماعت، آپ پہلے کیا کررہی تھیں پورا ڈرامہ دیکھ کر آگئیں،اب کہہ رہی ہیں معاشرہ خراب ہوگیا،عدالت کے ریمارکس

23  جنوری‬‮  2020

کراچی (این این آئی)سندھ ہائیکورٹ میں نجی ٹی وی چینل سے نشر ہونے والے ڈرامہ ”میرے پاس تم ہو“ کی آخری قسط ٹیلی کاسٹ کرنے سے روکنے کے خلاف درخواست کی سماعت عدالت نے فریقین کو نوٹس جاری کردیئے۔سندھ ہائیکورٹ میں نجی ٹی وی چینل سے نشر ہونے والے ڈرامہ میرے پاس تم ہو کی آخری قسط ٹیلی کاسٹ کرنے سے روکنے کے خلاف درخواست کی

سماعت سندھ ہائی کورٹ کے جسٹس محمد علی مظہر کی عدالت میں ہوئی درخواست میں وفاقی حکومت،منسٹری آف انفارمیشن،پیمرا،سندھ سنسر بورڈ،اے آر وائے ڈیجیٹل،پروڈیوسر ہمایوں سعید و دیگر کو فریق بنایا گیا ہے۔ درخواست گزار ثنا سلیم کا کہنا ہے کہ ڈرامہ سیریل میرے پاس تم ہو کی آخری قسط نشر کرنے سے روکا جائے،ڈرامہ کے رائٹر اور پروڈیوسر کو حکم دیا جائے کہ عوام سے معافی مانگیں،ڈرامے میرے پاس تم ہو میں دکھایا گیا کہ نکاح کے بغیر ایک ساتھ رہے ہیں،ڈرامے میں دیکھا گیا کہ ایک چھ سالہ بچے اپنی اسکول ٹیچر سے اپنے باپ کا رشتہ کرا رہا ہے، سماعت کے دوران عدالت کا کہنا تھا کہ سنیما میں ڈرامہ کیوں دکھایا جارہا ہے پہلے تو ڈرامہ نہیں دکھایا جاتا تھا؟ ایڈیشنل ایڈوکیٹ جنرل کا کہنا تھا کہ لوگوں نے بڑے پیمانے پر ٹکٹس خرید لیے ہیں ، عدالت کا کہنا تھا کہ آپ نے بھی خرید لیا کیا؟ سرکاری وکیل کا کہنا تھا کہ جی میں نے بھی خرید لیا ہے دیکھنے جاؤں گا،درخواست گزار کا کہنا تھا کہ ڈرامہ روکا جائے مغربی کلچر دکھایا جارہا ہے، عدالت کا کہنا تھا کہ آپ پہلے کیا کررہے تھے پورا ڈرامہ دیکھ کر آگئے،آپ کہہ رہی ہیں معاشرہ خراب ہوگیا اب اتنی قسطوں میں جو خرابی ہوچکی اس کا کیا ہوگا؟یہاں جتنے بول رہے ہیں سب نے ٹکٹ خریدا ہوا ہے، سرکاری وکیل کا کہنا تھا کہ مگر وہ عورت واپس آرہی ہے آخری قسط میں، عدالت کا کہنا تھا کہ اتنے ٹکٹس فروخت ہوگئے آخری وقت پر کیسے روک دیں؟

درخواست گزار کا کہنا تھا کہ ڈائیلاگ میں کہا گیا ہے دو ٹکے کی عورت اس طرح خواتین کی بے عزتی ہورہی ہے،عدالت کا کہنا تھا کہ ہم پروڈیوسروغیرہ کو بلا کر پوچھیں گے،فی الحال نوٹس جاری کررہے ہیں،ہم جائزہ لے کر آئندہ کیلئے پیمرا کو ہدایات جاری کریں گے،عدالت نے وفاق، پیمرا، سندھ سینسر بورڈ، نجی ٹی وی،ڈرامہ میرے پاس تم ہو کے ڈائریکٹر ندیم بیگ اور پروڈیوسر ہمایوں سعید کو بھی نوٹس جاری کرتے ہوئے فریقین کو چار فروری تک جواب جمع کرانے کی ہدایت کردی۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…