اسلام آباد (مانیٹرنگ ڈیسک) پاکستان کے معروف آل راؤنڈر شاہد آفریدی کے دنیا بھر میں مداح پائے جاتے ہیں لیکن بالی ووڈ کی ایک اداکارہ بھی ان کی مداح نکل آئیں، تفصیلات کے مطابق بالی ووڈ کی اداکارہ زرین خان ہیں جو شاہد آفریدی کی بہت بڑی فین ہیں، بھارتی اداکارہ زرین خان نے بات چیت کرتے ہوئے کہا کہ کھیل کو سیاست سے دور ہی رکھنا چاہیے، انہوں

نے کہاکہ پاکستان اور انڈیا کے لوگ ایک دوسرے سے محبت کرتے ہیں، زرین خان شارجہ کرکٹ سٹیڈیم میں گزشتہ دنوں ٹی 10 لیگ ٹورنامنٹ میں بالی ووڈ اداکاروں کے ساتھ موجود تھیں، انہوں نے اپنی گفتگو میں کہا کہ مجھے کرکٹ کا اتنا زیادہ نہیں پتہ مگر مجھے شاہد خان آفریدی بہت پسند ہیں۔ اس موقع پر اداکارہ زرین خان نے کہا کہ مجھے پختون ہونے پر فخر ہے۔

موضوعات:زرین خان