لاہور ( این این آئی) ہدایتکار شہزاد رفیق کی فلم ’’ سلیوٹ ‘‘ 2دسمبر سے سینما گھروں کی زینت بنے گی ۔مذکورہ فلم نوعمر اور بہادر طالب علم اعتزاز حسن کی زندگی پر بنائی گئی ہے جس نے پانچ جنوری 2014 ء میں اپنی زندگی خودکش بمبار کو اسکول میں داخل ہونے سے روکنے کے لیے قربان کردی ۔

فلم میں اعتزاز حسن کا کردار علی مہتشم کر رہے ہیں جبکہ دیگر فنکاروں میں صائمہ نور، عجب گل ، نیئر اعجاز، راشد محمود، عدنان خان، پرویز کلیم، جلال حیدر اور ماہ نور شامل ہیں۔شہزاد رفیق نے فلم ڈائریکٹ کرنے کے ساتھ اس کا اسکرپٹ بھی خود لکھا ہے اور فلمساز غفوربٹ ہیں ۔

موضوعات:اعتزاز حسن سلیوٹ فلم