کراچی (مانیٹرنگ ڈیسک) ڈالرکی ایک بارپھرآڑا ن نے پاکستان کی اوپن مارکیٹ میں ڈالر کی قیمت میں ہلچل مچادی ہے جس کی وجہ پانچ روز میں عوام کے لئے ڈالر 80 پیسے مزید مہنگا ہوگیا ۔ وفاقی وزارت خزانہ کی جانب سے 5 ہزار کا نوٹ اور 40 ہزار کا بانڈ بند نہ کرنے کی یقین دہانی کے باوجود اوپن مارکیٹ میں ڈالر کی قیمت میں اضافے کا رجحان جاری ہے ۔ 5

روز کے دوران اوپن مارکیٹ میں ڈالر کی قدر 80 پیسے تک بڑھ چکی ہے اور ڈالر 107 روپے کے ارد گرد گھوم رہا ہے جبکہ انٹر بینک اور اوپن مارکیٹ میں ڈالر کا فرق تقریباً 2 روپے تک پہنچ چکا ہے ۔ دوسری جانب عالمی منڈی میں سرمایہ کار سونے کی خریداری میں کم جبکہ ڈالر کی خریداری میں بڑھ چڑھ کر حصہ لے رہے ہیں ۔ یہی وجہ ہے کہ ڈالر دیگر کرنسیوں کے مقابلے میں 14 ماہ کی بلند ترین سطح پر پہنچ چکا ہے۔ڈالرکی قیمت میں اضافہ اورپاکستان روپے کی قدرمیں کمی سے تاجروں کی پریشانیوں میں اضافہ ہوگیاہے کیونکہ ان کی آمدنی کی ادائیگی بڑھنے سے کم ہوگئی ہے جبکہ دوسری طرف ڈالرکی قیمت میں اضافہ کی وجہ دوسرے ملک سے درآمد شدہ اشیاضروریہ کی قیمت میں اضافہ ہوگیاہے جس کااثرپیٹرولیم منصوعات پربھی پڑاہے ادائیگوں کے بل بڑھنے کی وجہ سے پیٹرولیم منصوعا ت کی قیمت کے بارے میں نیافیصلہ بھی کسی وقت متوقع ہوسکتاہے ۔