ممبئی(نیوزڈیسک) بالی ووڈکے اداکارعامرخا ن نے اپنی فلم سیکرٹ کےلئے نیاروپ دھارکراپنے مداحوں کوبھی حیران کردیا۔بھارتی میڈیاکے مطابق عامر خان کے فین کلب نے ایک تصویر شیئر کی ہے جو دیکھتے ہی دیکھتے وائرل ہوگئی اورعامرخان کے لاکھوں مداحوں نے اس تصویرکوشیئرکیا۔ عامر خان کے مداح اپنے پسندیدہ اداکار کا نیا روپ دیکھ کر حیرت کا اظہار کر رہے ہیں۔ بھارتی میڈیا کے مطابق عامر خان نے یہ نیا روپ اپنی نئی فلم سیکرٹ سپر سٹار کیلئے اپنایا ہے۔ فلم دنگل میں پہلوان کے کردار کیلئے عامر خان نے نہ صرف اپنا وزن بڑھایا بلکہ پہلوانی بھی شروع کر دی تھی۔ انکی فلم دنگل کوجلدہی ان کے مداح پردہ سکرین پردیکھیں گے جس میں انہوں نے ایک پہلوان کاکرداراداکیاہے ۔

حب الوطنی سیکھنی ہے تو پاکستانیوں سے سیکھیں!اجے دیوگن کے بیان نے ایک اورہنگامہ کھڑاکردیا. بالی ووڈ اداکار اجے دیوگن نے اس امر پر افسردگی کا اظہار کیا ہے کہ بالی ووڈ سے تعلق رکھنے والے بعض افراد اب بھی پاکستانی فنکاروں کی حمایت کر رہے ہیں۔ انہوں نے کہا کہ پاکستانی فنکار بھارت سے پیسہ کمانے کے باوجود اپنے وطن سے وفادار ہیں اور ہمیں ان سے سبق سیکھنا چاہیئے۔حال ہی میں دیے جانے والے ایک انٹرویو میں اجے دیوگن نے بتایا کہ انہوں نے پاکستانی فنکاروں کے ساتھ کام نہ کرنے کا فیصلہ کیا ہے۔انہوں نے پاکستانی اداکاروں پر پابندی کے فیصلے کو درست قرار دیتے ہوئے کہا کہ دونوں ممالک کے درمیان حالیہ کشیدگی کو دیکھتے ہوئے وہ کسی پاکستانی فنکار کے ساتھ کام نہیں کرسکتے۔جب ان سے کہا گیا کہ اس موقع پر بھی سلمان خان اور کرن جوہر نے پاکستانی فنکاروں پر پابندی کے فیصلے کی مخالفت کی ہے تو ان کا کہنا تھاکہ یہ ایک افسوسناک بات ہے۔ ہر بھارتی کو اس مشکل موقع پر اپنے وطن سے وفادار رہنا چاہیئے۔انہوں نے کہاکہ پاکستانی فنکار یہاں سے کام کر کے پیسہ کما رہے ہیں لیکن وہ اپنے وطن کی حمایت میں کھڑے ہیں اور اس سے وفادار ہیں۔ ہمیں ان سے سبق سیکھنا چاہیئے۔اجے دیوگن کی فلم ’شیوے‘ رواں ماہ دیوالی کے موقع پر کرن جوہر کی فلم’ اے دل ہے مشکل‘ کے ساتھ ریلیز ہونے جا رہی ہے اور فلمی پنڈتوں کو یقین ہے کہ کرن جوہر کی فلم کے آگے اجے دیوگن کی فلم بالکل ناکام ہوجائے گی۔اس حوالے سے اجے دیوگن کا کہنا تھا کہ ان کی فلم پاکستان میں بھی ریلیز ہونے جارہی تھی تاہم اب اس کا امکان نہیں، اور وہ اس سے قطعی پریشان نہیں ہیں۔ ’میرے لیے قوم کی حمایت میں کھڑے ہونا زیادہ اہم ہے۔دوسری جانب اجے دیوگن کی اہلیہ اور معروف اداکارہ کاجل نے بھی اپنے شوہر کے فیصلے کی حمایت کی۔ اپنی سماجی رابطے کی ویب سائٹ ٹوئٹر پر ٹوئٹ کرتے ہوئے انہوں نے کہا کہ انہیں فخر ہے کہ ان کے شوہر نے ایک درست اور غیر سیاسی فیصلہ کیا

موضوعات:عامرخان