مظفرآباد(این این آئی)آزاد کشمیر بھر میں ٹیلی نار کمپنی نے سروس معطل کردی، محکمہ انکم ٹیکس آزادکشمیر نے عدم ادائیگی انکم ٹیکس  ٹیلی نار کمپنی کے بوسٹر بھی سیل کردئیے ،دریں اثنا ضلع میرپور میں کمشنر انلینڈ ریونیو آزاد کشمیر کے جاری کردہ وارنٹ اور ڈپٹی کمشنر انلینڈ ریونیو آفس کے جاری شدہ ریکوری نوٹس  کی روشنی میں سید انصر علی

ڈپٹی کمشنر انلینڈ ریونیو کمپنیز سرکل سیلولر کمپنی کے ٹاور کنٹرولرز کو سیل کر رہے ہیں۔ واضح رہے کہ اس کمپنی کے خلاف آڈٹ کرنے کے بعد دو ارب پچاسی کروڑ روپے کا ٹیکس آرڈر بھی انھی نے کیا تھا۔ میرپور ضلع میں ایک نجی سیلولر کمپنی کے ٹاور کنٹرولرز کو سیل کر دیا گیا اور میرپور بھر میں اس کمپنی کے سگنلز آف ہو گئے ہیں۔

موضوعات:ٹیلی نار سروس معطل