ٹوئٹر نے صارفین کیلئے نیا فیچر متعارف کروا دیا، تفصیلات جاری

  بدھ‬‮ 7 مارچ‬‮ 2018  |  19:00

کیلیفورنیا (مانیٹرنگ ڈیسک) ٹوئٹر نے صارفین کے لیے ایک نیا فیچر متعارف کرا کر انہیں خوش کر دیا ہے، ٹوئٹر نے صارفین کی مشکل کو حل کرنے کے لیے نیا فیچر متعارف کرا دیا ہے، اب صارفین ٹوئٹر استعمال کرتے ہوئے اہم پوسٹ کو بک مارک کر سکیں گے،ٹوئٹر نے یہ انتہائی اہم نیا فیچر دنیا بھر کے صارفین کے لیے متعارف کرایا ہے۔ ٹویٹس اتنے زیادہ ہوتے ہیں کہ ٹوئٹر پر کچھ گھنٹے قبل کے ٹویٹس نکالنا مشکل ہو جاتا ہے، ٹوئٹر کی انتظامیہ نے صارفین کی اس مشکل کو مدنظر رکھتے ہوئے اپنی ویب سائٹ میں اس نئے


فیچر کو شامل کر دیا ہے، اب کوئی بھی صارف بک مارک فیچر کے تحت پسندیدہ تھریڈز، ویڈیوز اور گفس کو بک مارک سے محفوظ کرکے انہیں بعد میں آسانی سے دیکھ سکتے ہیں۔ واضح رہے کہ ٹوئٹر صارفین کی ایک بڑی تعداد نے اس فیچر کی درخواست کی تھی جسے اب دنیا بھر کے صارفین کے لیے شامل کر دیا گیا ہے۔ اگر آپ کسی ٹویٹ کو بک مارک کرنا چاہتے ہیں تو پہلے’’شیئر آئکن‘‘ کو پریس کریں اور اس میں سے ’’ایڈ ٹویٹ ٹو بک مارک‘‘ پر کلک کریں۔ صارفین اس ٹویٹ کو بعد میں دیکھنے کے لیے بک مارکس پر کلک کریں۔ ٹوئٹر انتظامیہ نے شیئر بٹن میں بھی مزید آپشنز کا اضافہ کیا ہے اور ان آپشنز میں ٹوئٹر کو ٹیکسٹ، ای میل اور ڈائریکٹ میسج کے ذریعے شیئر کرنا شامل ہے۔ ٹوئٹر نے صارفین کے لیے ایک نیا فیچر متعارف کرا کر انہیں خوش کر دیا ہے، ٹوئٹر نے صارفین کی مشکل کو حل کرنے کے لیے نیا فیچر متعارف کرا دیا ہے، اب صارفین ٹوئٹر استعمال کرتے ہوئے اہم پوسٹ کو بک مارک کر سکیں گے، ٹوئٹر نے یہ انتہائی اہم نیا فیچر دنیا بھر کے صارفین کے لیے متعارف کرایا ہے۔


موضوعات: