اسلام آباد(نیوز ڈیسک)پاکستان تحریک انصاف شیر افضل مروت بیرسٹر گوہر علی خان کے پاس پہنچ گئے اور ایک دوسرے کو گلے لگا لیا۔ تفصیلات کے مطابق ویڈیو بیان میں شیر افضل مروت کا کہنا تھاکہ میرے اور بیرسٹر گوہر کے درمیان مخالفت اور شوکاز کی باتیں ہورہی ہیں، بیرسٹر گوہر کے ساتھ میرا تعلق سالوں پرانا ہے۔
انہوں نے کہا کہ بیرسٹر گوہر کا بطور چیئرمین میں تائید کنندہ تھا، آج بیرسٹر گوہر کوگلے لگایا ہے، میں نے پوری قیادت کے بارے میں مؤقف دیا تھا اور بیرسٹر گوہر کی نااہلی کا لفظ نہیں کہا۔ان کا مزید کہنا تھاکہ پی ٹی آئی ورکرز کو بتانا چاہتا ہوں ہمارے درمیان کوئی اختلاف نہیں، بیرسٹر گوہر آنے والے وقت میں بھی تحریک انصاف کے چیئرمین رہیں گے۔بیرسٹر گوہر کا کہنا تھاکہ پاکستان تحریک انصاف نے آپسی اختلاف میں نہیں پڑنا۔
