اسلام آباد(این این آئی)ڈسٹرکٹ اینڈ سیشن کورٹ اسلام آباد نے پاکستان تحریک انصاف کے لانگ مارچ کے دوران توڑ پھوڑ کیس میں پارٹی رہنما اسد عمر کی عبوری ضمانت میں 5 جون تک توسیع دیدی۔اسد عمر کے خلاف تھانہ ترنول میں درج مقدمہ پر کیس کی سماعت ڈسٹرکٹ اینڈ سیشن کورٹ اسلام آباد میں ایڈیشنل سیشن جج طاہرعباس سِپرا نے کی، اسدعمر اپنے وکیل سردار مصروف کے ہمراہ عدالت میں پیش ہوئے۔سردار مصروف نے عدالت سے استدعا کی کہ بابر اعوان بیرون ملک موجود ہیں، آئندہ کی کوئی تاریخ دے دیں، بعدازاں عدالت نے اسد عمر کی ضمانت قبل از گرفتاری میں 5 جون تک توسیع کردی اور کیس کی مزید سماعت 5 جون تک ملتوی کر دی۔