سیالکوٹ (این این آئی)پنجاب کے مختلف شہروں میں پٹرول کی قلت کے باعث گاڑیوں کی قطاریں لگ گئیں۔سیالکوٹ شہر میں پیٹرول کی قلت کے بعد شہر کے پمپس پر گاڑیوں کی لمبی قطاریں لگ گئیں۔ افواہیں گردش کر رہی ہیں کہ پٹرول کی قیمت 300 روپے فی لٹر ہونے جا رہی ہے، دوسری جانب پچھلے کئی روز سے خبریں گردش کر رہی تھیں کہ ملک میں پیٹرول کی کمی کا سامنا ہوسکتا ہے۔اس پر ترجمان اوگرا نے پیٹرولیم مصنوعات کی قیمتوں میں اضافے سے متعلق قیاس آرائیوں کو غلط قرار دے دیا۔ترجمان کے مطابق قیمتوں میں اضافے کی خبریں بے بنیاد اور غلط ہیں۔