ممبئی ( این این آئی) بھارتی کرکٹ ٹیم کے بیٹر کے ایل راہول کے بعد اب آل رائونڈر اکشر پٹیل بھی رشتہ ازدواج میں منسلک ہوگئے۔بھارتی میڈیا رپورٹس کے مطابق اکشر پٹیل نے اپنی دیرینہ دوست اور منگیتر میہا پٹیل سے شادی کی ہے جو ماہرِ غذائیت ہیں، کرکٹر 26جنوری بروز جمعرات کو رشتہ ازدواج میں منسلک ہوئے۔کرکٹر کی شادی کی تصاویر اور ویڈیوز سوشل میڈیا پر زیر گردش ہیں اور جوڑی کو مبارکباد ملنے کا سلسلہ بھی جاری ہے۔اکشر اور میہا نے جنوری 2022ء میں منگنی کی تھی اور اب پورے ایک برس بعد دونوں نے شادی کرلی۔