اسلام آباد (مانیٹرنگ+ این این آئی) فارن فنڈنگ کیس میں اگر پی ٹی آئی کے خلاف غیر قانونی فنڈنگ ثابت ہو جائے تو 2018ء کے انتخابات غیر قانونی قرار دیے جا ئیں گے اور حکومت ختم ہو جائے گی، اس بات کا انکشاف نجی ٹی وی چینل سے بات چیت کرتے ہوئے سابق چیف جسٹس سندھ ہائی کورٹ شائق عثمانی نے کیا، انہوں نے کہا کہتحریک انصاف کی پہلے ایک سیٹ ہوتی تھی اور اس کی بڑی وجہ پیسے کی کمی تھی مگر جب 2013ء کے انتخاب ہوئے تو تحریک انصاف کے پاس بے انتہا پیسہ آ گیا، دریں اثناء

امریکہ میں فنڈ ریزنگ کا تمام کام عمران خان اور تحریک انصاف کی مرضی سے ہوا، اس بات کا الزام پی ٹی آئی کے بانی رکن اکبر ایس بابر نے عائد کیا، انہوں نے میڈیا سے بات چیت کرتے ہوئے کہا کہ مشرق وسطیٰ اور سعودی عرب سے تحریک انصاف نے کروڑوں کی غیر قانونی فنڈنگ حاصل کی، انہوں نے کہا کہ تحریک انصاف نے پہلی بار سکروٹنی کمیٹی میں تحریری فارن فنڈنگ کا اعتراف کیا ہے، انہوں نے الزام عائد کرتے ہوئے کہا کہ فارن فنڈنگ کا تمام ملبہ پی ٹی آئی نے ایجنٹ پر ڈال دیا ہے، دوسری جانب وفاقی وزیر اطلاعات شبلی فراز نے کہا کہ میری پاکستان پیپلزپارٹی اور پاکستان مسلم لیگ (ن) سے درخواست ہے کہ وہ آکر ثبوت بھی پیش کریں اور فنڈنگ کی رسیدیں اور جوابات لے کر آئیں کیونکہ مقصد ان کا دھمکانا نہیں ہے بلکہ جو بھی دستاویزات مانگی گئی ہیں وہ جمع کرادیں۔ ایک سوال پر شیخ رشید احمد نے کہاکہ فارن فنڈنگ کیس میں چالیس ہزار لوگوں کے ڈاکومنٹس، ان کے اعدادو شمار، ان کے سارے چیکس سب پیش کئے گئے ہیں، خود پیپلز پارٹی، مسلم لیگ (ن)نے پیش نہیں کئے، پیپلز پارٹی کے دستخط ہی نہیں ہیں، مسلملیگ (ن)کی چیک بک نوازشریف ہیں اور دستخط اور فنڈز بھی نوازشریف ہیں۔ ایک سوال پر شیخ رشید احمد نے کہاکہ مدارس کے بارے میں نور الحق قادری اور میری کمیٹی بنی ہے، ہم مدارس سے رابطے میں، ہم نہ صرف مدارس کا احترام کرتے ہیں بلکہ ان کو پاکستان اور دی کا قلع سمجھتے ہیں، ہم وزیر اعظم کی ہدایت پر مدارس سےرابطے میں ہیں۔ انہوں نے کہاکہ انشاء اللہ پاکستان کی سیاست میدان میں آگئی ہے یہ بند گلی میں لے جانا چاہتے ہیں،ہم چوک اور چوراہے میں لے جانا چاہتے ہیں،فروغ نسیم نے سپریم کورٹ کا فیصلہ بھی سنا دیا ہے، اللہ نے چاہا تو وزیر اعظم عمران خان پانچ سال پورے کرینگے۔ایک سوال پر شیخ رشید احمد اسلام آباد پولیس کا رویہ ٹھیک ہو جائیگا۔انہوں نے کہاکہ ہمارے نبض اللہ کے فضل و کرم سے مضبوط ہیں، خدا کی مدد اور عوام کی حمایت عمران خان کو حاصل ہے۔