منگل‬‮ ، 01 جولائی‬‮ 2025 

حکومت کا کالجز اور یونیورسٹیوں سمیت ملک بھر میں تمام تعلیمی ادارے 31 مئی تک بند رکھنے کا اعلان، باجماعت نماز اور نماز جمعہ بارے بھی اہم ہدایات جاری

datetime 26  مارچ‬‮  2020
ہمارا واٹس ایپ چینل جوائن کریں

اسلام آباد (این این آئی) وفاقی حکومت نے واضح کیا ہے کہ ملک میں مساجد بند نہیں ہوگی،باجماعت نماز اور جمعہ کی نماز کو انتہائی محدود رکھا جائیگا،مساجد کھلی رہیں گی، ذکر و اذکار جاری رہے گا،سعودی عرب نے حج کیلئے خدمات، رہائش و ٹرانسپورٹ معاہدے نہ کرنے کی ہدایت کی ہے، ملک بھر میں تعلیمی ادارے 31مئی تک بند رہیں گے، وزیراعظم عمران خان جلد رضا کاروں سے متعلق پروگرام کا اعلان کریں گے،

ملک میں گندم کے وافر ذخائر موجود ہیں، آٹے کی کوئی کمی نہیں، ٹرانسپورٹیشن سے متعلقہ مسائل پر  جمعہ کو اجلاس میں غور ہو گا،کسی صورت ذخیرہ اندوزی برداشت نہیں کی جائے گی، 5اپریل تک آئی سی یو عملے کیلئے حفاظتی سامان”پی پی ایز“میسر ہو جائیگا، ملک بھر میں کورونا کے 575مریض زیر علاج ہیں،پانچ مریضوں کی حالت تشویشناک، 570کی حالت تسلی بخش ہے،پاکستان بھر میں آئی سی یوز میں 19670بیڈز کی سہولت موجود ہے،قرنطینہ سینٹرز میں بیڈز کی تعداد ایک لاکھ 62ہزار پہنچ چکی ہے،مختلف تھری، فور اور فائیوسٹارز ہوٹلوں کو بھی بک کرلیا گیا، اپریل کے آخر تک ملک میں نئے وینٹی لیٹرز کی تعداد2ہزار ہو جائے گی،مئی تک نئے وینٹی لیٹرز کی تعداد 4سے5ہزار تک بڑھائیں گے،چین سے (آج) جمعہ کو 15ٹن طبی سامان اور 20وینٹی لیٹر لے کر جہاز پہنچے گا،چین ہفتے کے روز طبی سامان کے ساتھ 8طبی ماہرین بھی بھجوائے گا،گلگت بلتستان میں (آج) سنکیانگ سے خنجراب کے راستے طبی سامان پہنچ جائیگا۔ جمعرات کو ان خیالات کا اظہار وفاقی وزراء اسد عمر، پیر نور الحق قادری، معاون خصوصی ڈاکٹر ظفر مرزا، مغاون خصوصی برائے اطلاعات ڈاکٹر فردوس عاشق اعوان اور چیئرمین این ڈی ایم اے لیفٹیننٹ جنرل محمد افضل نے میڈیا کو بریفنگ دیتے ہوئے کیا۔ وفاقی وزیر منصوبہ بندی وترقی اسد عمر نے کہاکہ وائرس سے نمٹنے کے لیے قومی حکمت عملی کے تحت چل رہے ہیں،طبی عملہ حقیقی معنوں میں مجاہد کا کردار ادا کر رہے ہیں۔

انہوں نے کہاکہ وباء کے پھیلاؤ کو روکنے کے لیے ہر ممکن اقدام کیے گئے ہیں۔ انہوں نے کہاکہ ملک بھر میں تعلیمی ادارے 31مئی تک بند رہیں گے۔اسد عمر نے کہاکہ ملک میں گندم کے وافر ذخائر موجود ہیں، آٹے کی کوئی کمی نہیں۔اسد عمر نے کہاکہ ٹرانسپورٹیشن سے متعلقہ مسائل پر جمعہ کو اجلاس میں غور ہو گا۔اسد عمر نے کہاکہ وزیراعظم عمران خان جلد رضا کاروں سے متعلق پروگرام کا اعلان کریں گے۔ انہوں نے کہاکہ ملک میں کسی صورت ذخیرہ اندوزی برداشت نہیں کی جائے گی۔

معاون خصوصی برائے صحت ظفرمرزا نے کہا کہ 5اپریل تک آئی سی یو عملے کیلئے حفاظتی سامان”پی پی ایز“میسر ہو جائیگا۔انہوں نے بتایا کہ کورونا وائرس سے نمٹنے کیلئے وبائی امراض کے ماہر ڈاکٹر فیصل سلطان فوکل پرسن مقرر کر دیئے گئے۔ ڈاکٹر ظفر مرزا نے کہاکہ ڈاکٹرز کی تربیت کا پروگرام بھی تشکیل دے دیا گیا ہے۔ڈاکٹر ظفر مرزا نے کہاکہ ملک بھر میں کورونا کے 575مریض زیر علاج ہیں۔ڈاکٹر ظفر مرزا نے کہاکہ پانچ مریضوں کی حالت تشویشناک، 570کی حالت تسلی بخش ہے۔

انہوں نے کہاکہ 24گھنٹے میں ہیلپ لائن 1166پر 73ہزار کالز موصول ہوئیں۔ چیئر مین این ڈی ایم اے نے کہاکہ پاکستان بھر میں آئی سی یوز میں 19670بیڈز کی سہولت موجود ہے،قرنطینہ سینٹرز میں بیڈز کی تعداد ایک لاکھ 62ہزار پہنچ چکی ہے،مختلف تھری، فور اور فائیوسٹارز ہوٹلوں کو بھی بک کیا گیا ہے۔لیفٹیننٹ جنرل محمد افضل نے کہاکہ پاکستان بھر میں آئی سی یوز میں کام کرنے والے ڈاکٹرز اور عملے کی تعداد 30ہزار ہے،ذاتی حفاظت کا سامان آئی سی یو میں کام کرنے والے طبی عملے کو فراہم کیا جائیگا۔ انہوں نے بتایاکہ اپریل کے آخر تک ملک میں نئے وینٹی لیٹرز کی تعداد2ہزار ہو جائے گی،مئی تک نئے وینٹی لیٹرز کی تعداد 4سے5ہزار تک بڑھائیں گے۔ انہوں نے کہاکہ چین سے (آج) جمعہ کو 15ٹن طبی سامان اور 20وینٹی لیٹر لے کر جہاز پہنچے گا،چین ہفتے کے روز طبی سامان کے ساتھ 8طبی ماہرین بھی بھجوائے گا۔

انہوں نے کہا کہ گلگت بلتستان میں جمعہ کو سنکیانگ سے خنجراب کے راستے طبی سامان پہنچ جائیگا،ٹیسٹنگ لیبارٹریز میں کام کرنے والے عملے کو بھی حفاظتی سامان مہیا کیا جائے گا۔ وفاقی وزیر مذہبی امور پیر نور الحق قادری نے کہاکہ مساجد بند نہیں ہوں گی تاہم باجماعت نماز اور جمعہ کی نمازکو انتہائی محدود رکھا جائے گا۔پیر نور الحق قادری نے کہاکہ مساجد کھلی رہیں گی اورذکر و اذکار جاری رہے گا۔وزیر مذہبی امور پیر نور الحق قادری نے کہاکہ تین دن سے مکہ مکرمہ، مدینہ منورہ اور ریاض شہر بند ہے۔پیر نور الحق قادری نے کہاکہ نجف اور کربلا میں مقدس زیارات کو بھی بند کر دیا گیا ہے۔وزیر مذہبی امور نے کہاکہ ہمارا مذہب بتاتا ہے کہ نماز سے زیادہ نمازی کی اہمیت ہے۔پیر نور الحق قادری نے کہاکہ علماء اور مشائخ سے رابطے پر صدر ڈاکٹر عارف علوی کا ممنون ہوں۔وفاقی وزیر نے کہاکہ سعودی عرب نے حج کیلئے خدمات، رہائش و ٹرانسپورٹ معاہدے نہ کرنے کی ہدایت کی ہے۔ انہوں نے کہاکہ وزیراعظم نے طبی عملے کی حفاظت ہر صورت یقینی بنانے کی ہدایت کی۔وفاقی وزیر نے بتایاکہ انہوں نے کہا کہ علما سے درخواست کی ہے کہ لوگوں کو گھروں میں رہ کر عبادات کا اہتمام کرنے کی ترغیب دی جائے۔

موضوعات:

آج کی سب سے زیادہ پڑھی جانے والی خبریں


کالم



حکمت کی واپسی


بیسویں صدی تک گھوڑے قوموں‘ معاشروں اور قبیلوں…

سٹوری آف لائف

یہ پیٹر کی کہانی ہے‘ مشرقی یورپ کے پیٹر کی کہانی۔…

ٹیسٹنگ گرائونڈ

چنگیز خان اس تکنیک کا موجد تھا‘ وہ اسے سلامی…

کرپٹوکرنسی

وہ امیر آدمی تھا بلکہ بہت ہی امیر آدمی تھا‘ اللہ…

کنفیوژن

وراثت میں اسے پانچ لاکھ 18 ہزار چارسو طلائی سکے…

دیوار چین سے

میں دیوار چین پر دوسری مرتبہ آیا‘ 2006ء میں پہلی…

شیان میں آخری دن

شیان کی فصیل (سٹی وال) عالمی ورثے میں شامل نہیں…

شیان کی قدیم مسجد

ہوکنگ پیلس چینی سٹائل کی عمارتوں کا وسیع کمپلیکس…

2200سال بعد

شیان بیجنگ سے ایک ہزار اسی کلومیٹر کے فاصلے پر…

ٹیرا کوٹا واریئرز

اس کا نام چن شی ہونگ تھا اوروہ تیرہ سال کی عمر…

گردش اور دھبے

وہ گائوں میں وصولی کیلئے آیا تھا‘ اس کی کمپنی…