لاہور(این این آئی) ذاتی معالج ڈاکٹر عدنان نے ہارٹ سرجری کی تردید کرتے ہوئے کہا ہے کہ ابھی سابق وزیر اعظم محمد نواز شریف کے دل کی کیتھرائزیشن ہونی ہے جس کا وقت طے کیا جا رہا ہے۔ ٹوئٹر پر اپنے بیان میں انہوں نے انہوں نے کہا کہ نواز شریف کی ابھی کوئی سرجری نہیں ہو ئی اورمیڈیا میں اس حوالے سے آنے والی اطلاعات درست نہیں۔نواز شریف کے علاج معالجے کے حوالے سے مناسب وقت پر آگاہ کر دیا جائے گا۔علاوہ ازیں مسلم لیگ (ن)

کی رکن قومی اسمبلی شائستہ پرویز ملکی کی جانب سے سابق وزیراعظم محمد نواز شریف کی صحتیابی کیلئے لاہور کے دفتر میں دعائیہ تقریب کا اہتمام کیا گیا۔ تقریب میں نواز شریف کی جلد صحتیابی کے لئے دعا کروائی گئی۔دعائیہ تقریب میں بیگم ذکیہ شاہنواز کرن ڈار،کنول لیاقت ایڈوکیٹ، نفیسہ امین، ربعیہ نصرت، سنبل مالک، کشور باجوہ، غزالہ نصرت بیگ سمیت دیگر نے شرکت کی۔ اس موقع پر قیادت کے حق میں نعر ے بھی لگائے گئے۔

موضوعات:ڈاکٹر عدنان