اسلام آباد (این این آئی)وفاقی وزیر پارلیمانی امور اعظم سواتی نے سینیٹر رضا ربانی سے سوالات کا جواب دیتے ہوئے کہاہے کہ رضا ربانی بتائیں! اگر بے ہنگم شور شرابہ کرنا ہے تو ہم کس کے لئے سینیٹ اجلاس بلائیں؟۔ انہوں نے کہاکہ رضا ربانی بتائیں! کروڑوں روپے خرچ کرنے سے عوام کو کیا فائدہ ہوگا۔وفاقی وزیر پارلیمانی امور نے کہاکہ ہمیں اصلاحات کے نام پر ووٹ ملے،ہم اصلاحات بل لاتے ہیں تو آپ پہلے ہی مسترد کردیتے ہیں، اگر ہم اصلاحات کے لئے آرڈیننس لانے کی بات کرتے ہیں تو آپ پہلے رد کر دیتے ہیں،پہلے کبھی ایسانہیں دیکھا کہ

آرڈیننس پیش کرنے سے قبل ہی اپوزیشن متحرک ہوجائے۔ انہوں نے کہاکہ ایوانوں میں شورو غل معمول بنالی گیا، زاتی مفاد کے لئے اجلاس بلانا ہے تو پھر نہ بلاکر لوگوں کے کروڑوں روپے تو بچا رہے ہیں۔ انہوں نے کہاکہ حکومت کو سینیٹ کا اجلاس بلانے میں کوئی مسئلہ نہیں، چاہیں تو اگلے ہفتے سینیٹ اجلاس بلا سکتے ہیں، رضاربانی آئین اور قانون کو سمجھتے ہیں۔اعظم خان سواتی نے کہاکہ رضا ربانی حقائق چھپانے جمہوری اداروں کا درست تاثر نہیں دے رہے، سینیٹ کے اجلاس پر عوام کے کروڑوں روپے خرچ ہوتے ہیں۔

موضوعات:اعظم سواتی