’’میرا کوئی خیال نہیں کرتا، کسی نے میرے لئے آواز نہیں اٹھائی،پارٹی رہنماؤں نے مجھے مایوس کیا ہے‘‘ شاہد خاقان عباسی عدالت پیشی کے موقع پر شدید غصے میں مریم اورنگزیب پر برس پڑے،ویڈیو سامنے آگئی‎

  بدھ‬‮ 4 دسمبر‬‮ 2019  |  16:41

اسلام آباد (مانیٹرنگ ڈیسک)احتساب عدالت میں پیشی کے موقع پر سابق وزیراعظم شاہد خاقان عباسی مریم اورنگزیب پر برس پڑے ، پارٹی رہنمائوں سے گلے شکوے کا اظہار کر دیا ۔ نجی ٹی وی رپورٹ کے مطابق عدالت میں پیشی کے موقع پر شاہد خاقان عباسی نےسیکورٹی روم میں لیگی رہنمائوں سےملاقات کی ۔ترجمان ن لیگ مریم اورنگزیب کو جھاڑ پلادی ۔ ان کا کہنا تھا کہ مجھ بے گناہ کو جیل میں رکھا گیا اسمبلی میں احتجاج کیوں نہ ہوا ؟ ۔ شاہد خاقان عباسی نے تلخ لہجے میں مریم اورنگزیب سے سوال کیا کہ میرے پروڈکشن آرڈر کیلئے


احتجاج کیوں نہ ہوا ، پارٹی رہنمائوں نے مجھے مایوس کیا ، احتجاج نظر آنا چاہیے تھا ، آپ لوگ خود اسمبلی میں پہنچ جاتے ہیں میرا خیال نہیں آتا ۔ مریم اورنگزیب نے وضاحت دینا چاہی لیکن سابق وزیراعظم نے کوئی وضاحت نہ سنی ۔ترجمان ن لیگ نے کہاہم احتجاج تو کرتے ہیں جس کے جواب میں شاہد خاقان عباسی نے کہا اگر آپ نے احتجاج کیا ہوتا تو نظر بھی آتا ۔ جبکہ اس سے قبل سعد رفیق نے بھی گلہ کرتے ہوئے کہا تھا کہ پارٹی رہنمائوں کی توجہ صرف شریف فیملی ہی ہے ہمارا کسی کو خیال تک نہیں آتا۔مذکورہ واقعہ کی ویڈیو بھی وائرل ہو گئی ہے ، جس پر سوشل میڈیا صارفین نے اپنے ردعمل کا اظہاربھی کیا ہے ۔

موضوعات: