لاہور (این این آئی)چیئرمین برابری پارٹی پاکستان جواد احمد نے پنجاب کے صوبائی بجٹ کو مسترد کرتے ہوئے کہاکہ وفاقی بجٹ کے بعد اب صوبائی بجٹ نے بھی ملک کی 99فی صد کی امیدوں پر پانی پھیر دیا ہے ورکنگ کلاس اور محنت کشوں پر 16فی صد سروس ٹیکس لگانا دراصل تحریک انصاف کی غریب عوام کش پالیسی کا حصہ ہے ۔

ان خیالات کااظہارانہوں نے پارٹی ورکرز سے گفتگو کرتے ہوئے کیا ۔ انہوں نے کہاکہ ہونا تو یہ چاہیے تھا کہ حکومت معاشی طور پر کمزور طبقات کو بجٹ کے زریعے ریلیف دیتی اور انکے کاروبار کے لئے اوپن مارکیٹ میں مواقع پیدا کئے جاتے مگر ملک کے سب سے بڑے صوبے کے 23سو ارب 57 کڑور کے بجٹ نے محنت کشوں کسانوں اور ورکنگ کلاس سے تعلق رکھنے والے طبقات کے سنہری مسقبل کی اینٹ سے اینٹ بجادی ہے تحریک انصاف کی حکومت جب اپوزیشن میں تھی تو عوام کو سہولیات اور دیگر مواقع دینے کے سنہرے خواب دکھائے جاتے تھے مگر آج حکومت میں آکر بجٹ کے وقت انھوں نے اپنے ہی منشور کے خلاف کام کیا ہے ۔انہوں نے کہاکہ ہ صوبائی بجٹ سے ایک دن پہلے ڈالر ملک کی تاریخ کی بلند سطح پر پہنچ گیا جس کے بعد آٹا گھی چاول چینی اور روٹی سمیت دیگر اجناس کی قیمتوں میں یکدم اضافہ ہوا ہے اور اب آنے والے دنوں میں تیل اور بجلی کی قیمتوں میں بھی اضافہ ہوگا جس کی ذمہ دار وفاقی اور صوبائی حکومتیں ہی ہوگئی تحریک انصاف کی حکومت کو چاہیے کہ وہ عوام کو ریلیف دیں اور ان ہر عائد کے گئے ظالمانہ ٹیکسوں کو فوری ختم کرئے تاکہ ورکنگ کلاس اور محنت کش سکون کا سانس لے سکیں۔

موضوعات:جواد احمد