لاہور(این این آئی)موسم گرما کی تعطیلات کے حوالے سے نجی تعلیمی ادارے تقسیم ہو گئے،پچاس فیصد سے زائد نجی تعلیمی اداروں نے آج (جمعہ) سے تعطیلات کا آغاز کرنے کا اعلان کر دیا۔ نجی ٹی وی کے مطابق پچاس فیصد سے زائد نجی سکولوں نے آج 24مئی سے موسم گرما کی تعطیلات کا اعلان کیا ہے جو 14 اگست تک جاری رہیں گی۔علاوہ ازیں مدرسہ(حفاظ)مکتب سکولزنے 4جون سے15 جون تک۔چھٹیاں دینے کا فیصلہ کیا ہے اس کے بعد معمول کے مطابق سکول کھل جائیں گے۔سرکاری تعلیمی اداروں اور ایلیٹ ایلیٹ کلاس کے نجی سکولز نے یکم جون سے 14اگست تک
تعطیلات کا فیصلہ کیا ہے۔تمام نجی سکولز20 جون سے سمر کیمپ بھی لگائیں گے جس کے اوقات کارصبح ساڑھے سات سے ساڑھے دس بجے تک ہوں گے۔