اسلام آباد(مانیٹرنگ ڈیسک)پنجاب کے شہر گوجرانوالہ میں سکول کی دیوار گرنے سے ٹیچر سمیت 6بچے جاں بحق جبکہ 13 زخمی ہو گئے ۔نجی ٹی وی کے مطابق گوجرانوالہ میں کشمیر روڈسکول میں یوم پاکستان کے حوالے سے تقریب جاری تھی کہ اچانک سکول کی دیوار گر گئی ،جس کے نتیجے میں سکول ٹیچر
سمیت 6 بچے جاں بحق ہو گئے،حادثے میں 13 بچے زخمی ہو ئے۔حادثے کی اطلاع ملتے ہی ریسکیو ٹیمیں جائے حادثہ پر پہنچ گئیں،جاں بحق اور زخمی بچوں کو ہسپتال منتقل کردیا گیا۔زخمی بچوں میں 2بچیوں کی حالت تشویشناک بتائی جاتی ہے۔واقعے کی خبر جیسے ہی گھروں میں پہنچی تو کہرام مچ گیا۔
