اسلام آباد(آئی این پی)قومی اسمبلی کے اجلاس میں اپوزیشن لیڈر شہباز شریف نے ایوان میں کھڑے ہو کر ایک لفظ نہ بولا ،لیگی رہنما خواجہ سعد رفیق اور شہبازشریف پورے اجلاس کے دوران طویل مشاورت کرتے رہے ۔پیر کو قومی اسمبلی کے اجلاس میں نیب نے سپیکر قومی اسمبلی کی جانب سے اپوزیشن لیڈر شہباز شریف کیلئے جاری پروڈکشن آرڈر کی تکمیل کرتے ہوئے اجلاس میں شرکت کیلئے شہباز شریف کو لاہور سے اسلام آباد لائے ۔

قومی اسمبلی اجلاس کے دوران شہباز شریف نے کھڑے ہو کر ایوان میں ایک لفظ بھی نہ کہا ۔اجلاس کے دوران شہبازشریف اور لیگی رہنما خواجہ سعد رفیق طویل مشاورت کرتے رہے ۔واضح رہے کہ شہباز شریف کو آشیانہ ہاؤسنگ سکیم سکینڈل میں نیب نے گرفتار کیا ہوا ہے جبکہ شہبا زشریف پر الزام ہے کہ انہوں نے خواجہ سعد رفیق اور ان کے بھائی خواجہ سلمان رفیق کی کاسا ڈویلپئرز کو آشیانہ ہاؤسنگ کا ٹھیکہ دیا ۔

موضوعات:سعد رفیق اور شہبازشریف