اسلام آباد(آن لائن)پاکستان کو معاشی بحران سے نکالنے کیلئے متحدہ عرب امارات کا وفد پاکستان پہنچ گیا ،قوی امکان ہے کہ دوست ملک کی جانب سے ایک ارب ڈالر امداد پاکستان کی دی جائے گی ۔تفصیلات کے مطابق حکومت نے دوست ممالک سے امداد کے حوالے سے رابطے تیز کردئیے ہیں

سعودی عرب کے بعد متحدہ عرب امارات بھی پاکستان کو ایک ارب ڈالر تک امداد دی سکتا ہے اس حوالے سے متحدہ عرب امارات کا وفد پاکستان پہنچ گیا ہے جوپاکستان کی مدد کے لیے تیارہے ذرائع کے مطابق متحدہ عرب امارات اور پاکستان کے درمیان مذاکرات آج (ہفتہ) کو ہوں گے جس میں وفد وزارت صنعت وتجارت اور وزارت خزانہ حکام سے ملاقاتیں بھی کریگا جس میں مختلف شعبوں میں سرمایہ کاری اور امداد کے حوالے سے معاملات کا جائزہ لیا جائیگاذرائع کا کہنا ہے کہ متحدہ عرب امارات کا وفد وزیر خزانہ اسد عمر سے ملاقات کرنے کے بعد وفد وزیر اعظم عمران خان سے بھی ملاقات کرے گا ذرائع کے مطابق حکومت کی جانب سے دیگر ممالک سے رابطے کئے جارہے ہیں اور مزید قرض کا بھی امکان ہے واضح رہے کہ وزیر اعظم پاکستان اور وزیر خزانہ اسد عمر نے ملک میں مالی بحران پر قابو پانے کیلئے آئی ایم ایف پیکج حاصل کرنے کیساتھ ساتھ دوست ممالک سے رابطے کا اعلان کیا تھا اور کہا تھا کہ دوست ممالک سے براہ راست امداد کے حوالے سے بات کی جائیگی اس سلسلے میں سعودی عرب نے پہلے ہی پاکستان کیلئے 6 ارب ڈالر کے پیکج کا اعلان کیا ہے جبکہ وزیر اعظم کے حالیہ دورہ چین میں بھی امداد کی توقع کی جارہی ہے۔ پاکستان کو معاشی بحران سے نکالنے کیلئے متحدہ عرب امارات کا وفد پاکستان پہنچ گیا ،قوی امکان ہے کہ دوست ملک کی جانب سے ایک ارب ڈالر امداد پاکستان کی دی جائے گی ۔

موضوعات:امارات پاکستان کو کتنے ارب ڈالرز دے گا