َّؒ ٓلاہور(آئی این پی) گورنر ہاؤس میں سیر کیلئے آنے والی فیملیزکا پھلوں اور سبزیوں پر ہلہ بولنے کا انکشاف ‘ جگہ جگہ پڑے کوڑا کرکٹ نے گورنر ہاوس کا حسن گہنا کر دیاجبکہ گور نر ہاؤس کی انتظامیہ نے گور نرہاؤس کے متاثرہ تمام حصوں کی صفائی شروع کردی ۔ تفصیلات کے مطابق گور نر پنجاب چوہدری محمدسرور کے اعلان کے مطابق اتوار کے روز گور نر ہاؤس لاہور عوام کیلئے کھلا رہا مگرسیرکیلئے آنے والی فیملیز نے گورنر ہاوس

میں لگی کچی سبزیوں اور پھلوں پر یوں ہلہ بولا جیسے دشمن کے قلعہ پر فتح حاصل کرنے کے بعد مال غنیمت لوٹ رہے ہوں، کچے پھل ،سبزیاں جس کے ہاتھ جو لگا لے اڑا، گورنر ہاؤس میں آئی فیملیز نے صفائی ستھرائی کا خیال بھی نہ رکھا، جگہ جگہ شاپنگ بیگز،ڈسپوزیبل گلاس،ٹیشوز،کولڈ ڈرنکس کی خالی بوتلیں پھینک دیں جبکہ گور نر ہاؤس کی انتظامیہ نے گور نرہاؤس کے متاثرہ تمام حصوں کی صفائی شروع کردی ہے ۔

موضوعات:گورنر ہاﺅس