اسلام آباد (مانیٹرنگ ڈیسک)عمران خان کے وزیر اعظم منتخب ہونے پر پی ٹی آئی کے کارکنوں نے ملک بھر میں جشن منایا اور مٹھائیاں تقسیم کیں۔عمران خان کے آبائی علاقہ میانوالی میں بھی مٹھائیاں تقسیم ہوئیں ۔ عمران خان کی حلف برداری کی خوشی میں راولپنڈی کے ایک ریڑھی بان نے مفت ناشتہ تقسیم کیا۔

راجہ بازار میں ریڑھی بان نے ناشتہ کرنے کیلئے آئے گاہکوں سے کوئی رقم وصول نہیں کی۔ ریڑھی بان کا کہنا ہے کہ مجھے عمران خان کے وزیراعظم منتخب ہونے کی بے حد خوشی ہے، عمران خان کے وزیر اعظم منتخب ہونے اور حلف لینے کی خوشی میں آج میں نے تمام گاہکوں کو مفت ناشتہ کروایا اور کسی سے پیسے وصول نہیں کیے۔

موضوعات:عمران خان