کراچی(نیوز ڈیسک)ایم کیوایم کے نو منتخب رکن سندھ اسمبلی کنورنویدجمیل نے کہا ہے کہ متحدہ اپوزیشن کی طرف سے وزیراعلیٰ سندھ کے لیے شہریار مہر ،سندھ اسمبلی کے اسپیکر کیلئے ایم کیو ایم کے جاوید حنیف اور ڈپٹی اسپیکر کیلئے پی ٹی آئی کے راجہ اظہرکو امیدوار نامزد کیا گیا ہے ۔ یہ بات انہوں نے گزشتہ روزسندھ اسمبلی میں کاغذات نامزدگی جمع

کرانے کے بعد میڈیا سے گفتگو کرتے ہوئے کہی۔ کنور نوید جمیل نے کہا کہ ہمارا پاکستان سے بے مثال لگاؤ ہے ہم جشن آزادی کی تقریبات میں مصروف رہے ہیں۔ آج سندھ اسمبلی کا پرچم سرنگوں رہناباعث تشویش ہے ۔پرچم کشائی نہ ہونا بھی افسوسناک عمل ہے۔ ہم اس عمل کی مذمت کرتے ہیں اور اس کے خلاف سندھ اسمبلی میں قراردادپیش کی جائے گی۔

موضوعات:سندھ اسمبلی کنور نوید جمیل