لاہور(سی پی پی)’’ جذبہ حب الوطنی کی عظیم مثال‘‘۔چیف جسٹس میاں ثاقب نثار کی کمسن نواسی نے ڈیم فنڈ میں7030 روپے جمع کرا دیئے۔گزشتہ روز تقریب سے خطاب کرتے ہوئے چیف جسٹس نے کہا کہ میری بیٹی اپنے چھوٹے چھوٹے بچوں کے ساتھ امریکہ سے آئی ہے تو رات اس نے واپس جانا تھا کیونکہ ان کی صبح پانچ بجے فلائٹ تھی تو میں نے بچوں سے مل کر کہا کہ میں اس وقت اٹھ نہیں سکوں گا کیونکہ میں نے سفر کرناہے تو میں سونے جارہاہوں ۔

میری آٹھ سالہ نواسی میرے پاس کمرے میں آئی اور کہنے لگی کہ نانا میں آپ کو کچھ دینا چاہتی ہوں ، میں نے کہا کہ کیا دینا ہے بیٹا ؟ تو وہ آگے سے کہنے لگی یہ لفافہ ، میں نے لفافہ کھولا تو اس میں سات ہزار اور تیس روپے تھے جس میں پانچ پانچ اور دس روپے بھی شامل تھے جو کہ شائد اسے عید پر ملے ہوں گے ۔چیف جسٹس نے کہا کہ وہ دو مہینے کیلئے پاکستان آئی تھی لیکن اس کو بھی ڈیم کی اہمیت کا پتا تھا ، ہم نے ڈیم بنانا ہے اور پہرہ دینا ہے اور اس کے خلاف جو بھی سازش ہے اسے کچلنا ہے ۔

موضوعات:چیف جسٹس