اسلام آباد(مانیٹرنگ ڈیسک)بجلی کے سابق وزیر کو 440وولٹ کا کرنٹ ۔ حلقہ این اے 108فیصل آباد سے ن لیگ کے عابد شیر علی کو تحریک انصاف کے فرخ حبیب کے ہاتھوں شکست کا سامنا ۔ تفصیلات کے مطابق عام انتخابات 2018کے انتخابی نتائج آنے کا سلسلہ جاری ہے اور اسی دوران ایک بڑے اپ سیٹ سامنے آیا ۔ فیصل آباد حلقہ این اے 108سے سابق وفاقی وزیر برائے بجلی عابد شیر علی کو تحریک انصاف کے امیدوار فرخ حبیب نے شکست سے دوچار کر دیا ہے۔ واضح رہے

کہ عابد شیر علی نواز شریف کے رشتے میں بھانجے لگتے ہیں اور یہ سیٹ دراصل شریف خاندان کی سیٹ کہلاتی تھی جس پر 6مرتبہ شریف خاندان کے افراد جیت چکے ہیں تاہم اس بات تحریک انصاف کی تبدیلی نے ہر طرف تبدیلی کی لہر چلا دی ہے اور حلقہ این اے 108سے تحریک انصاف کے فرخ حبیب نے عابد شیر علی کو پچھاڑ ڈالا ہے۔ عابد شیر علی 1لاکھ 11ہزار 559ووٹ حاصل کر سکے جبکہ ان کے مدمقابل تحریک انصاف کے فرخ حبیب نے انہیں واضح برتری سے شکست دی۔

موضوعات:حلقہ این اے 108فیصل آباد عابد شیر علی عام انتخابات 2018 فرخ حبیب