اسلام آباد(مانیٹرنگ ڈیسک)تحریک انصاف کے چیئرمین عمران خان کی سابقہ اہلیہ ریحام خان کی کتاب کے حوالے سے حمزہ علی عباسی کے انکشافات کے بعد طوفان برپا ہے ۔ حمزہ علی عباسی کا کہنا ہے کہ ریحام خان کی کتاب جلد ہی منظر عام پر آنیوالی ہے جس میں عمران خان کو بہت گھنائونے کردار کے طور پر پیش کیا گیا ہے۔ اس حوالے سے حمزہ علی عباسی نے ریحام خان کوایسا کرنے

سے باز رکھنے کیلئے ایک دھمکی آمیز ای میل بھی کر ڈالی ہے ۔ اس بات کا انکشاف کرتے ہوئے ریحام خان نے حمزہ علی عباسی کی ای میل شیئر کر دی ہے۔ اس ای میل میں حمزہ علی عباسی نے مبینہ طور پر دھمکی دیتے ہوئے ریحام خان کو کہا کہ عمران خان کیخلاف کچھ بھی کہنے سے باز رہیں۔ عمران خان کے پاس آپ کیخلاف بہت کچھ ہے۔۔عمران خان کے پاس آپ کیخلاف حساس مواد ہے جس کو پبلک کردیا جائے گا۔حمزہ عباسی کی مبینہ ای میل میں کہا گیا ہے کہ اگر تم نے عمران خان کیخلاف کچھ کیاتوتمہارے بارے سب آشکارہوجائے گا۔حمزہ عباسی نے مزید دھمکی دی ہے کہ تحریک انصاف کیخلاف تمہارا جو کچھ کرنے کا ارادہ ہے اس کو ترک کردو ورنہ پچھتاؤ گی۔دوسری جانب ریحام خان نے اپنے ایک ٹویٹ میں بتایا کہ مجھے اگست 2017ء سے مسلسل دھمکیاں مل رہی ہیں۔جبکہ مجھے خاموش کرانے کیلئے برا بھلا بھی کہا جارہا ہے۔انہوں نے حمزہ عباسی کی دھمکی آمیز مبینہ ای میل کے جواب میں کہا کہ مجھے کچھ چھپانے کی ضرورت نہیں ہے ۔ریحام خان نے خبردار کیا کہ انہیں عمران خان کو بول دیں انہوں نے جو کرنا ہے کرلیں۔ریحام خان نے سماجی رابطوں کی ویب سائٹ ٹویٹر پر اپنے پیغام میں کہا ہے کہ یہ تحریک انصاف کے ایک رہنما کی ای میل ہے جس نے مجھے دھمکانے کی کوشش کی ہے جبکہ اور بہت سے رہنمائوں کی جانب سے کوشش کی گئی ہے اور وہ ایک ایک کر کے سب کی ای میلز شیئر کرینگی۔

موضوعات:حمزہ علی عباسی ریحام خان