اسلام آباد(مانیٹرنگ ڈیسک) آج  مزدوروں کا عالمی دن ہے لیکن اس دن پر لسبیلہ زرعی یونیورسٹی کی انوکھی منطق سامنے آ گئی۔نجی ٹی وی  کے مطابق لسبیلہ زرعی یونیورسٹی میں تمام افسران آج چھٹی پر ہیں لیکن مزدور ملازمین کو یونیورسٹی بلوالیا گیا ہے۔ لسبیلہ یونیورسٹی کے رجسٹرار کی جانب سے جاری کیے گئے نوٹیفیکیشن کے مطابق صرف افسران

اور طلبا کو چھٹی ہو گی جبکہ پلمبر ، ڈرائیور، سکیورٹی گارڈ ،ٹیوب ویل آپریٹرز کو ڈیوٹی دینے کا حکم دیا گیا ہے ۔اس نوٹیفیکیشن کی کاپی وائس چانسلر اور دیگر متعلقہ دفاتر کو بھی بھجوا دی گئی ہے۔ سوشل میڈیا پر بھی اس نوٹیفیکیشن کی تصویر وائرل ہوئی ہے جس پر صارفین نے یونیورسٹی انتظامیہ کو سخت تنقید کا نشانہ بنایا ہے۔

موضوعات:یوم مزدور