لاہور(مانیٹرنگ ڈیسک) ڈپٹی کمشنر گوجرانوالہ سہیل احمد ٹیپوکے ساتھ موت سے صرف آدھا گھنٹہ قبل کیا ہوا؟چونکا دینے والے انکشافات،تفتیش کا رخ تبدیل ہوگیا، تفصیلات کے مطابق ڈپٹی کمشنر گوجرانوالہ سہیل احمد ٹیپوکی گردن اور کلائیوں پر زخم کے نشانات نے تفتیش کا رخ موڑ دیا،زخموں اور موت کے درمیان تقریباً آدھے گھنٹے کا وقفہ تھا۔نجی ٹی وی نے پوسٹمارٹم رپورٹ کے حوالے سے کہا ہے کہ رپورٹ کے مطابق سہیل احمد ٹیپو کی گردن پر دو گہرے نشانات پائے

گئے جبکہ گردن پر خراشوں کی تعداد 6 بتائی گئی ہے۔ متوفی کی دونوں کلائیوں پر بھی زخموں کے نشانات تھے اور ان کے جسم پر زخموں کے 11نشانات پائے گئے۔رپورٹ کے مطابق پولیس نے واقعے میں استعمال ہونے والی تار اور کپڑا میڈیکل آفیسر کو نہیں دکھایا۔ میڈیکل آفیسر نے دل، جگر اور دیگر جسمانی اعضا ء کے نمونے بھی حاصل کر لیے جنہیں فرانزک لیبارٹری بھجوایا جائے گا۔ رپورٹ کے مطابق زخموں اور موت کے درمیان تقریباً آدھے گھنٹے کا وقفہ تھا۔

موضوعات:سہیل احمد ٹیپو