اسلام آباد (مانیٹرنگ ڈیسک) سابق وزیراعظم نواز شریف کے داماد کیپٹن (ر) صفدر نے کہا ہے کہ ملک کے جب بھی حالات بدل رہے ہوتے ہیں تو وزیراعظم یا تو نااہل ہوجاتا ہے یا ہائی جیکر بن جاتا ہے۔ جمعہ کو میڈیا سے بات کرتے ہوئے کیپٹن (ر) صفدر کا کہنا تھا کہ جے آئی ٹی کے سربراہ واجد ضیاء کو لکھی ہوئی رپورٹ دی گئی ٗ اگر انہیں آج رپورٹ لکھنے کا کہا جائے تو وہ اس کے 5 صفحات بھی نہیں لکھ سکتے۔کیپٹن (ر) صفدر نے کہا کہ یہاں تو بڑے بڑے کام ہوتے

ہیں پکڑتے پاناما میں اور نکالتے اقامہ میں ہیں جس پر صحافی نے سوال کیا کہ اگر آپ کو توہین عدالت میں سپریم کورٹ بلایا گیا تو پیش ہوجائیں گے جس پر ان کا کہنا تھا میں تو ہیروں والی جے آئی ٹی کے سامنے بھی پیش ہوگیا تھا۔کیپٹن (ر) صفدر نے کہا کہ کبھی دھرنے اور کبھی نیوز لیکس ٗ ہمارے ہاتھ باندھ دئیے گئے ہیں ٗ ملک کے حالات جب بھی بدل رہے ہوتے ہیں تو وزیراعظم یا تو پھانسی پر لٹکا دیا جاتا ہے ٗ کبھی ہائی جیکر بن جاتا ہے اور کبھی نااہل ہوجاتا ہے۔

موضوعات:کیپٹن (ر) صفدر