لاہور( این این آئی) جے آئی ٹی نے زینب قتل کیس کی تحقیقات کا دائرہ مزید وسیع کرنے کا فیصلہ کرلیا، 2014سے 2017ء کے درمیان زیادتی کیسز میں پانچ اضلاع کی جیلوں سے رہا ہونے والوںکا ڈی این اے ٹیسٹ کرایا جائے گا۔ بتایا گیا ہے کہ جے آئی ٹی کے سربراہ ڈی آئی جی محمد ادریس نے گزشتہ روز آئی جی جیل خانہ جات سے ان کے دفتر میں

ملاقات کر کے صورتحال پر تبادلہ خیال کیا ۔ آئی جی جیل خانہ جات کے دفتر نے اس عرصے کے دوران زیادتی کیسز میں پانچ اضلاع کی جیلوں سے رہا ہونے والوں کا تمام ڈیٹا جے آئی ٹی سربراہ کو فراہم کر دیا ہے ۔ بتایا گیا ہے کہ پانچ اضلاع کے ڈی پی اوز زیادتی کیسز میں رہا ہونے والے تمام افراد کا ڈی این اے ٹیسٹ کرا کے رپورٹ جے آئی ٹی کو پیش کریں گے۔

موضوعات:زینب قتل کیس