اسلا آباد (مانیٹرنگ ڈیسک) وزیر خارجہ خواجہ محمد آصف نے امریکی بیانات اور الزامات پر سخت رد عمل کا اظہار کرتے ہوئے کہاہے کہ امریکا ہمیں دھمکی نہ دے، ہمارے تجربے سے دیکھے۔ تفصیلات کے مطابق گزشتہ روز امریکی صدر ڈونلڈ ٹرمپ نے ایک بار پھر پاکستان

سے دہشت گردوں کے خلاف فیصلہ کن کارروائی کا مطالبہ کیا تھا جبکہ امریکی نائب صدر نے بھی افغانستان کے دورے میں پاکستان کے خلاف ہرزہ سرائی کرتے ہوئے کہا تھا کہ دہشت گردوں کو پناہ دینے پر پاکستان کو بہت کچھ کھونا پڑے گا۔ امریکی بیانات پر گزشتہ روز ترجمان دفتر خارجہ نے بیان جاری کیا تھا جس میں شدید رد عمل دیتے ہوئے کہا تھا کہ اتحادی ممالک ایک دوسرے کو نوٹس پر نہیں رکھتے۔ سماجی رابطے کی ویب سائٹ ٹوئٹر پر اپنی ٹوئٹ میں خواجہ آصف نے کہا کہ امریکی انتظامیہ کا بیان اقوام متحدہ میں سفارتی اور افغانستان جنگ میں ناکامی کا مظہر ہے۔ وزیرخارجہ نے کہا کہ ہمیں الزام یا دھمکی نہ دیں، دہشت گردی کے خلاف جنگ میں ہمارے تجربے سے سیکھیں۔ واضح رہے کہ گزشتہ روز اقوام متحدہ کی جنرل اسمبلی میں پاکستان، یمن اور ترکی نے مقبوضہ بیت المقدس سے متعلق امریکی فیصلے کے خلاف قرار داد پیش کی جو منظور کرلی گئی اور اس حوالے سے امریکا کو عالمی طور پر سبکی کا سامنا کرنا پڑا۔ وزیر خارجہ خواجہ محمد آصف نے کہا ہے کہ امریکا ہمیں دھمکی نہ دے، ہمارے تجربے سے دیکھے ۔

موضوعات:وزیر خارجہ خواجہ محمد آصف