اسلام آباد(مانیٹرنگ ڈیسک)اسلام آباد میں وفاقی وزیر طارق فضل چودھری کے گھر کے قریب سے انسانی ڈھانچہ برآمد ،علاقے میں خوف و ہراس پھیل گیا۔نجی ٹی وی  کے مطابق وفاقی دارالحکومت اسلام آباد میں وفاقی وزیر طارق فضل چودھری کے گھر کے قریب سے انسانی ڈھانچہ برآمد ہوا ہے۔ڈھانچے کے ساتھ ایک شناختی کارڈ بھی ملا ہے ۔شناختی کارڈ کسی عمران نامی شخص کا ہے ۔

امکان ہے ڈھانچے کے قریب سے ملا شناختی کارڈ مذکورہ شخص کا ہی ہے ۔علاقے کی مقامی پولیس نے کارروائی کرتے ہوئے انسانی ہڈیوں کو قبضے میں لے لیا ہے ۔پولیس کے مطابق اس شخص کی موت دو ماہ قبل ہوئی تھی لیکن موت کی وجوہات کے حوالے سے کچھ بھی کہنا قبل از وقت ہو گا ۔پوسٹ مارٹم رپورٹ آنے کے بعد ہی قتل کی اصل وجوہات کا سامنے آئیں گی۔ ابھی تک ورثا کی جانب سے کوئی رابطہ نہیں کیا گیا ہے۔

موضوعات:لاش برآمد