لاہور ( این این آئی) تحریک انصاف کے رکن اسمبلی ملک تیمور مسعود کی جانب سے پنجاب اسمبلی میں جمع کرائی گئی تحریک التوائے کار میں کہا گیا ہے کہ پنجاب بھر میں غریب گھرانوں کی خواتین کو نوکری کا جھانسہ دیکر فروخت کا انکشاف ہوا ہے ،امیر گھرانوں میں گھریلو ملازمہ رکھوانے کی آڑ میں اغوا کرکے فروخت کیا جا رہا ہے ،اس سلسلے میں باقاعدہ گروہ کام کرنے لگے،

عوام کا مطالبہ ہے کہ ایسے واقعات میں ملوث افراد کو گرفتار کر کے نشان عبرت بنایا جائے۔ جبکہ تحریک انصاف کے رکن پنجاب اسمبلی ڈاکٹر مراد راس نے ایک تحریک التوائے کار پنجاب اسمبلی میں جمع کروا دی ہے جس میں کہا گیا ہے کہ نجی اخبار کی خبر کے مطابق محکمہ مال کی تحصیل شالیمار میں اربوں روپے کی سرکاری اراضی بوگس آر ایل ٹو اور پی ٹی ڈی کے ذریعے فراڈیوں کو الاٹ کی گئی جنہوں نے انتقال خارج ہونے کے باوجود زمینوں پر ہاؤسنگ سوسائٹیاں بنا کر فروخت کر دی محکمہ مال کے افسروں نے اختیارات کا ناجائز استعمال کرتے ہوئے پنجاب حکومت کی ملکیتی زمینوں کی بندر بانٹ کی ۔

موضوعات:تحریک انصاف