اسلام آباد(مانیـٹرنگ ڈیسک)مریم نواز جے آئی ٹی میں پیشی کیلئے وزیراعظم ہائوس سے قافلے کی صورت میں جوڈیشل اکیڈمی پہنچ گئی ہیں۔ حسن ااور حسین نواز کے علاوہ ان کے شوہر کیپٹن(ر)صفدر اور وزیراعظم کے معاون خصوصی آصف کرمانی اور وزیر مملکت و نشریات اطلاعات و نشریات مریم اورنگزیب کے علاوہ اے ایس پی سپیشل برانچ ارسلہ سلیم بھی ہمراہ ہیں۔

اس موقع پر سکیورٹی کے سخت انتظامات کئے گئے ہیں جبکہ نیم فوجی دستوں ایف سی اور پولیس خواتین کمانڈوز کے علاوہ بھاری تعداد میں سکیورٹی اہلکار جوڈیشل اکیڈمی کے اطراف تعینات کر دئیے گئے ہیں جبکہ فضائی نگرانی بھی کی جا رہی ہے۔مریم نواز نے جوڈیشل اکیڈمی پہنچی تو انہوں نے ہاتھ ہلا کر کارکنوں کے نعروں کا جواب دیا۔

موضوعات:مریم نواز پیشی