نئی دہلی (آئی این پی)بھارت نے پاکستان مسئلہ کشمیرپرروسی صدر کی ثالثی کی پیشکش کے دعوے کو مسترد کردیا۔بھارتی میڈیا کے مطابق وزارت خارجہ نے پاکستان کے روس کی جانب سے مسئلہ کشمیر پر ثالثی کی پیشکش کے دعووں کو مسترد کر تے ہوئے کہا کہ روس پاکستان کے ساتھ تمام تصفیہ طلب مسائل کودہشتگردی سے پاک ماحول

میں دوطرفہ طور پر حل کرنے کیلئے بھارت کی پوزیشن کے بارے میں آگاہ ہے ۔اس سے قبل پاکستانی دفتر خارجہ کے ترجمان نفیس ذکریا نے کہا تھاکہ شنگھائی تعاون تنظیم کے اجلاس کے موقع پر نوازشریف سے ملاقات میں روسی صدر ولایمر پیوٹن نے پاکستان اور بھارت کے درمیان مسائل کے حل کیلئے ثالثی کی پیشکش کی تھی ۔

موضوعات:بھارت