اسلام آباد (مانیٹرنگ ڈیسک) کوئٹہ میں گزشتہ ماہ دو چینی اساتذہ کو داعش نے اغوا کر لیا تھا، اب اس چینی جوڑے کو داعش نے قتل کر دیا ہے۔ تفصیلات کے مطابق داعش کی جانب سے گزشتہ ماہ 24 مئی کو 2 چینی اساتذہ کو اغوا کر لیا گیا تھا۔ ان کے حوالے سے ایک افسوسناک خبر سامنے آئی ہے جس کے مطابق اغوا کیے گئے چینی جوڑے کو قتل کر دیا گیا ہے۔

داعش نے چینی جوڑے کے قتل کی ذمہ دار قبول کر لی ہے جبکہ واضح رہے کہ چینی جوڑے کو بازیاب کروانے کے لیے پاک فوج کی جانب سے آپریشن بھی کیا گیا تھا جس میں متعدد دہشت گرد ہلاک کر دیے گئے تھے۔ مگر چینی اساتذہ بازیاب نہیں ہو سکے تھے۔

موضوعات:چینی باشندے