راولپنڈی (آئی این پی) پاک فوج کے شعبہ تعلقات عامہ (آئی ایس پی آر ) نے یوم پاکستان کی مناسبت سے نیا نغمہ’’ ہم سب کا پاکستان ‘‘جاری کردیا ، ڈی جی آئی ایس پی آر میجر جنرل آصف غفور نے کہا ہے کہ ہم پر عزم اور سخت جان قوم ہیں، کوئی بھی دشمن قوت ہمارے پاکستان کو ختم نہیں کر سکتی۔ منگل کو پاک فوج کے شعبہ تعلقات عامہ ( آئی ایس پی آر ) کی جانب سے یوم پاکستان کی مناسبت سے نیا نغمہ’’ ہم سب کا پاکستان

‘‘جاری کردیا گیا۔اس موقع پر ڈی جی آئی ایس پی آر میجر جنرل آصف غفور نے سوشل میڈیا ویب سائٹ ٹوئٹر پر اپنے پیغام میں کہاکہ ہم پر عزم اور سخت جان قوم ہیں، کوئی بھی دشمن قوت ہمارے پاکستان کو ختم نہیں کر سکتی۔ ہم سب کا پاکستان ، پاکستان زندہ باد ۔ اس نغمے کے آغاز میں بانی پاکستان قائد اعظم محمد علی جناح کی یوم پاکستان کے موقع پر کی جانے والی تقریر کا کچھ حصہ بھی شامل کیا گیا ہے۔

موضوعات:آئی ایس پی آر