اسلام آباد(رئیس احمد خان) پاک فوج کی جانب سے دہشتگردوں کے خلاف شروع کئے گئے آپریشن رد الفساد میں پہلے فوجی آفیسرنے شہادت دیتے ہوئےمادروطن پر جان نچھاور کر دی۔شہید افسر لیفٹیننٹ خاور شہاب ایف آر بنوں میں دہشت گردوں سے لڑتے ہوئے شہید ہوئے۔شہید لیفٹیننٹ خاور شہاب پاکستان ملٹری اکیڈمی کے بہترین باکسر تھے۔

پاک فوج نےدہشتگردوں کی موجودگی کی خفیہ اطلاع ملنے پر ایف آر بنوں کے علاقے جانی خیل میں ایک کارروائی کی جس میں دہشتگردوں اور پاک فوج کے جوانوں میں فائرنگ کا تبادلہ ہوا۔پاک فوج کی فائرنگ سے چار دہشت گرد ہلاک ہوگئے تاہم دہشت گردوں کی طرف سے کی گئی فائرنگ کی زد میں آکر پاک فوج کے لیفٹیننٹ خاور اور نائیک شہزاد شہید ہوگئے۔آئی ایس پی آر نے دو جوانوں کی شہادت کی تصدیق کردی ہے۔لیفٹیننٹ خاور شہاب ہمیشہ معاشرے میں چھپی کالی بھیڑوں سے ہوشیار رہنے کی تلقین کرتے جبکہ اپنے آخری پیغام میں انہوں نے مل کر دہشتگردی کی لعنت سے چھٹکارا حاصل کرنے کا کہا تھا۔واضح رہے کہ آپریشن رد الفساد کے اس پہلے شہید کا تعلق شہیدوں کی سرزمین آزاد کشمیر سے ہے،

موضوعات:آپریشن ردالفساد لیفٹیننٹ خاور شہاب نایک شہزاد