ملتان(این این آئی)سینئر سیاستدان مخدوم جاوید ہاشمی نے عمران خان کی جانب سے خود کو ذہنی بیمار قرار دینے پر چیئرمین تحریک انصاف کو مناظرے کا چیلنج دیتے ہوئے کہاہے کہ ایک کورٹ بیٹھنی چاہیے جو میرا اور عمران خان کا دماغی توازن دیکھے ٗپاگل خانے کی رپورٹ آگئی تو عمران خان سے جان چھوٹ جائیگی ٗ ڈوب ٹیسٹ میں مجھے سو نمبر ملیں گے ٗتحریک انصاف کا میڈیا سیل 2 سال تک مجھے گالیاں دیتا رہا ہے جس پر انہیں شرم آنی چاہیے۔ملتان میں صحافیوں سے گفتگو کرتے ہوئے جاوید ہاشمی نے کہا کہ عمران خان 65 سال کے ہیں اورمیں 67 سال کاہوں ٗنواز شریف مجھ سے 4 ماہ چھوٹے ہیں۔مخدوم جاوید ہاشمی نے عمران خان کی ان باتوں کا جواب دیتے ہوئے کہا کہ عمران خان کے بیان سے بہت تکلیف ہوئی، ایک کورٹ بیٹھنی چاہیے جو عمران خان کا دماغی توازن دیکھے اور میرا بھی۔انہوں نے کہا کہ اگر پاگل خانے کی رپورٹ آگئی تو قوم کی عمران خان سے جان چھوٹ جائے گی، عمران خان غیر مناسب باتیں کرتے ہیں۔جاوید ہاشمی نے کہا کہ عمران خان اور میرا ڈوپ ٹیسٹ بھی کرالیا جائے، سچ سامنے آجائے گا، اس ٹیسٹ میں مجھے تو 100 میں سے 100 نمبر ملیں گے’۔جاوید ہاشمی نے عمران خان کو مناظرے کا چیلنج دیتے ہوئے کہا کہ عمران خان میرے سوالات کا جواب دیں۔۔

موضوعات:تحریک انصاف دماغی توازن ڈوپ ٹیسٹ