کندھ کوٹ(این این آئی) قومی اسمبلی میں قائد حزب اختلاف سید خورشیداحمد شاہ نے کہاہے کہ وزیراعظم نواز شریف پر پاناما لیکس سے متعلق الزامات درست ہیں اور وہ خود کو بچانے کے لیے قطری شہزادے کے خط کا سہارا لے رہے ہیں۔نواز شریف کے بطور وزیراعظم ہوتے ہوئے ملک کے اندرونی اور بیرونی خطرات بڑھتے جا رہے ہیں،

نواز شریف نے جن نعروں پر ووٹ لیا ان میں سے ایک وعدہ بھی پورا نہیں کیا،پیپلزپارٹی کے مطالبات پورے نہ ہوئے تو27دسمبرسے گونوازگوکانعرہ لگائیں گے۔اپوزیشن لیڈرسید خورشید شاہ نے پیپلزپارٹی کے سینئر رہنما محراب خان سہریانی کے انتقال اور پیپلزپارٹی تحصیل تنگوانی کے سابقہ صدر اسداللہ کھوسو کی بہن کے انتقال پر ان کے اہل خانہ سے تعزیت کی۔بعدازاں میڈیا سے گفتگو کرتے ہوئے سید خورشیدشاہ نے کہا کہ ملک کو اندرونی اور بیرونی خطرات ہیں،

نواز شریف کے وزیراعظم ہوتے ہوئے یہ خطرات بڑھتے جا رہے ہیں۔انہوں نے کہاکہ نوازشریف نے جن نعروں پر ووٹ لیا ان میں سے ایک وعدہ بھی پورا نہیں کیا اور وہ پاناما لیکس کے دلدل میں پھنس گئے ہیں۔ مختلف بیانوں سے بھی نظر آرہا ہے۔ اب وہ خود کو بچانے کے لیے قطر کے شہزادے کے بیان کا سہارا لے رہے ہیں۔۔انہوں نے کہاکہ پیپلز پارٹی ہمیشہ جمہوریت کی حامی رہی ہے، ہم پر فرینڈلی اپوزیشن کے الزام غلط ہیں۔خورشید شاہ نے کہا کہ پیپلزپارٹی نے حکومت کو 4 مطالبات پیش کیے ہیں۔

پورے نہ ہونے پر 27 دسمبر کو نواز حکومت کے خلاف تحریک کا اعلان کریں گے۔ انہوں نے کہا کہ پیپلزپارٹی دوسری جماعتوں کی طرح اپنے کارکنوں کو سڑکوں پر تنہا نہیں چھوڑے گی۔خورشید شاہ نے کہا کہ آرمی چیف راحیل شریف اپنی مدت ملازمت پوری ہونے کے بعد ریٹائر ڈہو جائیں گے۔ ان کی قیادت میں ضرب عضب جیسے کامیاب آپریشن سے دہشتگردوں کا خاتمہ ہوا۔

موضوعات:پاناما لیکس پیپلزپارٹی قومی اسمبلی نوازشریف