اسلام آباد(این این آئی)وزیراعظم عمران خان نے متعلقہ حکام کو ہدایت کی ہے کہ سابق وزیر اعظم نوازشریف کے خاندان کو ان کی منشا کے مطابق علاج معالجے کی بہترین سہولیات فراہم کی جائیں۔بدھ کو معاون خصوصی برائے اطلاعات و نشریات ڈاکٹر فردوس عاشق اعوان
نے سماجی رابطوں کی ویب سائٹ ٹوئٹر پر لکھا کہ وزیراعظم عمران خان نے محمد نواز شریف کی صحت کے متعلق پنجاب حکومت سے تفصیلات طلب کی ہیں۔معاون خصوصی کے مطابق عمران خان نے نواز شریف کی صحت یابی کیلئے دعا اور نیک تمناؤں کا اظہار بھی کیا ہے۔
