اسلام آباد (مانیٹرنگ ڈیسک) عدالت عظمیٰ نے قاسم سوری کی دوبارہ انتخابات کے خلاف درخواست سماعت کے لئے مقرر کر دی۔ جسٹس عمر عطا بندیال کی سربراہی میں تین رکنی بنچ 7 اکتوبر کو سماعت کرے گا۔

یاد رہے کہ الیکشن ٹربیونل نے لشکری رئیسانی کی درخواست پر قاسم سوری کا الیکشن کالعدم قرار دیا تھا۔ الیکشن کالعدم ہونے پر قاسم سوری اسمبلی رکنیت اور ڈپٹی سپیکرشپ سے فارغ ہوچکے ہیں۔دوسری جانب سابق ڈپٹی سپیکر قاسم سوری نے اپنے حلقہ انتخاب میں مبینہ دھاندلی کی ذمہ داری نادرا پر ڈال دی ہے اور کہا ہے کہ نادرا کے حکام کی سازش، نااہلی، بدیانتی اور بدنیتی کی وجہ سے مجھے نااہل کیا گیا ہے، انہوں نے کہا کہ نادرا اپنی ذمہ داریاں نبھانے میں ناکام ہوا ہے اس لئے حکومت نادرا میں بیٹھے مافیا کے خلاف کاروائی کرکے نادرا 52ہزار ووٹوں کی نہ تصدیق کر سکا ہے اور ڈیجیٹل سکینگ کے نشانات کی خاطر خواہ چکینگ نہیں ہوئی ہے جبکہ نادرا ووٹوں کی تصدیق کرنے میں ناکام کیوں ہوا ہے یہسوال اس ادارہ کی نااہلی کا منہ بولتا ثبوت ہے۔ ذرائع نے بتایا ہے کہ 8300ایس ایم ایس نمبر نے تمام ووٹرز کی جسمانی شکل کی تصدیق کی ہے جبکہ موقع پر موجود پولنگ عملہ نے دھاندلی کی کوئی تحریری درخواست بھی نہیں دی ہے، الیکشن کمیشن نے تمام ووٹرز کی بائیو میٹرک خود تصدیق کر رکھی ہے ڈپٹی سپیکر نے کہا ہے کہ نااہلی اور بدیانتی کے مرتکب ادارہ نادرا کو جوابدہ ہونا پڑے گا۔

موضوعات:قاسم سوری